我的新歡食店「霞飛會館」

Published 2012/06/20 by yokotsang

每逢大時大節,我都有重大任務,就是任搞手安排兩家人共聚晚飯。
選址真令人頭痛,首選環境靚及香港區,是希望屋企人坐得舒適及方便前往,然而,即使中高價食店食物質素往往於當日低於正常水平。


就以剛剛的父親節為例,到了銅鑼灣Time Square聘珍樓,到達始知menu只限一張A4紙,只得十多款餸及海鮮,選擇少都唔緊要,更失望的是八成味道差,就連馳名的叉燒亦非常嚡口,乳豬漏單,經多次催促結果食晒收埋碟至「壓軸」登場,最後收費也出錯,服務員告知賣晒的一款餸菜,也照算在內。7個人埋單2千幾蚊,我希望回報不是如此!之後轉移到聰嫂甜品食杏仁豆漿芝麻湯丸,正呀!

唉!下次節日有咩好揀呢?大家不妨推介我好味食店!

父親節第二天,再帶屋企人試新菜,是2月中才開業的「霞飛會館」,位於中環Coach上一條街。我的評價是90分,短期內必定再幫襯,早知book大歡喜

「霞飛會館」店名由來?
「霞飛」是舊上海法租界時尚名人留連的街道;「會館」則指志同道合的人聚集地方。
 這食店就是讓喜歡上海菜的人聚首一堂。

「霞飛會館」是尖沙嘴K11「霞飛點心拉麵」姊妹店,餐廳裝潢走摩登高級路線,
價錢卻只是中價,因為好味更覺抵食。


一講起小籠包,難免會同鼎泰豐做比較,通常輸多贏少!今次居然例外,媽咪第一句居然係話:「好食過鼎泰豐!」我心諗:「勁過鼎泰豐?邊有可能!」點知霞飛會館居然將不可能變成可能,鼎泰豐的小籠包皮煙韌得像橡皮糖,雖然夾極唔爛,但有點假;霞飛的皮終於似番一張麵粉皮,湯包內肉汁更是十分豐富。這前菜足以令我對這餐飯極有信心!

酒糟蝦雖然是前菜,但用的是中蝦喔!
單是用料已經講究,還有酒味剛,不嗆。

炸蝦球內有乾坤,釀在中間的是雞湯!用口用力擠破絕對有《食神》的爆漿效果,一定要小心,但雞同蝦的味道居然很夾,麵包糠炸得入口即溶,功力猶在!

脆鱔是蘇絲黃強力推介的前菜,並說炸得條條分明世間罕見。
以我不吃煎炸食物的人來說,確係可以吸引到我食兩條咁多,
我就覺得脆鱔炸得太,連鱔的水份都全部迫出,變得似條炸

燻魚和我剛在上海吃的頗有分別,我在「福1088」吃到的是乾身、香脆、煙燻味清淡、魚身肉味濃。上海的朋友說,試過一定會對煙燻魚改觀。
而這裏已有七成火喉,我只嫌它炸了都有點腥。

全晚最驚喜是這味酸菜桂魚片,酸味不過火,反而吊起魚的鮮味!
最欣賞是墊底的芋絲,把湯頭的精華吸收,既健康又好味。
全條魚起晒片,骨都冇條,男

紅燒元蹄好多地方都要早一日預訂先食到,在這裏居然即點即有,證明廚師早有準備,
一早掛乾元蹄,以備隨時烹調。所以我冇預訂都食到,已經非常抵讚!
其次係味道層次,一流,連伴碟的青菜都揀過冇渣,夠細膩!


糖醋豬柳是意外收獲,因為原本是點糖醋排骨,但上了豬柳。
但好吃的餐廳就是有另你驚喜的魔法,雖然錯了,但豬柳啖啖肉冇肥,已經揀得夠仔細。我真正可以食到酸到眼耳口鼻走埋一齊的感覺,我嚐酸,可而知我幾咁鍾意。

杏汁高力是否高力豆沙的變奏?其實做法是麵飽包住杏汁再灑上糖霜,可惜麵包太實杏汁太少費quota食完像flash memory一樣一閃即逝。

埋單價錢非常合理,六大一細以中環來說非常抵食!
其實仲有5款餸菜無分享–冰鎮芥蘭螺片、素鵝、花彫雞…..
我同老公兩個人去鏞記埋單都要一半價錢,所以我的中環飯堂要轉去呢度咯

「霞飛會館」
中環德己立街1-13號世紀廣場4
2522 7611
——————————————————————————————————————-
本週《MORE》專欄精采內容:
懶人喜訊 消脂減肥貼
上年夏天,我介紹過一款天后御用的減肥貼非常可惜代理在補貨一次之後,居然沒有再貨,一件好的產品就此在香港消失S.O.S.Patches Plus燒脂瘦身貼詳情請留意今期《MORE》雜誌內我的專欄。

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s

%d 位部落客按了讚: