入住北京最高地標

Published 2012/06/14 by yokotsang

昨晚我終於由北京返港,三天的行程排得很緊密,在寫blog呢刻其實已經累透了……明日中午還應邀任化妝評判,好在樣子唔夠精神也不打緊,可以「化」腐朽為神奇!
今次北京之行其實我是有一重要目的,是與權威研發博士了解膠原蛋白美容新品,我會呢刻開始試用,7月尾再同大家分享試用效果。

 今次住在北京地標,最高建築大樓國貿大酒店」,是在2010年初開業,
Shangri-La旗下酒店樓高有81層。
側邊是連繫名店商場,雖然JOYCE也有啊,但無乜理由會在國內購買香港也有的名牌啊!

房間設在64樓以上,北京當日天氣晴空氣清,窗外境色難得一覽無際。

房屋相當之大,一個人可以瞓咁大張牀都幾爽,我嘅意思係間中啫,否則係好空虛至真!
我平時喺屋企要勁黑環境至瞓得著,但出trip一個人嘅時候,夜蘭人靜就難免胡思亂想,所以開書枱燈及電視是指定動作,其實都幾騷擾入睡,但最重要是安心嘛!

like個浴室,差不多有成二百呎(仲有廁所及沖涼房未入呀),非常闊落;
仲正係有電視,可以邊浸浴邊食蘋果邊睇綜藝節目,爽!

一間酒店provide什麼品牌沐浴及洗髮產品,是image關。W Hotel 用嘅係bliss,呢度L’OCCITANE,話晒法國大牌仲要上市集團,出trip,減少皮膚致敏機會。 

個電視好鬼馬,如果唔係留意到無啦啦點解有個遙控喺瓷盆側邊,
都唔會知有電視神祕躲埋喺鏡裏面!

浸浴時水蒸氣令毛孔擴張,係皮膚最吸收護膚成分好時機,加上北京天氣咁乾燥,我當然早有準備,帶備最最最掂又用法簡便的面膜,是一款我勁冧品牌最新推出的 sleeping mask,以該品牌知名度而言,價錢公道,絕對值得大家試用,明天揭曉……
——————————————————————————————————————-
本週《MORE》專欄精采內容:
敷面膜駐顏有術
粗略估計,我曾經試用過的面膜相信為數幾百款,優質還是劣質,逃不出我法眼和臉龐。得出理論是,敷面膜都講求天時地利人和,何時何地如何使用面膜,能令功效加倍?詳情請留意今期《MORE》雜誌內我的專欄。

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s

%d 位部落客按了讚: