美容

All posts in the 美容 category

帶大家追星!揭示名人護膚心得

Published 2011/09/08 by yokotsang
回想起,7月尾有兩件事令我很難忘啊!
一是我首本著作在書展面世,旋風式幾天賣晒,要即時加印,感激流淚!
二是上海Amway美肌之旅,與兩位人氣巨星近距離訪問,當時發生了以下小插曲。
ARTISTRY 上海訪問現場
與韓國人氣偶像尹恩惠荷李活巨星Sarah Jessica Parker見面。

小插曲:
尹恩惠坐下訪問至離開,我發了 條微博,最驚訝事件是回響超勁—–短短 22 分鐘內,共得回 468 個轉發、97 個評論。

內容基本上更是一致的:
恩惠笑得真灿烂
笑的很可爱、恩惠的笑太迷人了
能不能求 尹恩惠 照片~~多點照片
第二天仍收到:请问,恩惠出席了没?一帮傻孩纸还在大厅痴等签名呢。谢谢。
(魅力驚人啊!)

Sarah Jessica Parker
同樣事情只有 7 個轉發、個評論,證明在國內人氣不及尹小姐,但我確實好喜歡她笑容可掬,非常 nice及風趣呀!
Wow…. Carrie is here… Pls take more pics… 

美肌tips:

尹恩惠的受歡迎程度,從以上小插曲引證,確實令我驚訝!
《咖啡王子一號店》、《拜託小姐》名副其實的韓劇女王。

既然大家那麼愛她,就讓我分享一下當日近距離目睹萬人迷清新的妝容、時尚的裝扮,還有星級護膚心得,借鏡、接招!
她說:「今天沒有貼假睫毛,眼線也是畫得非常的幼、非常的淡,在韓國BB霜是非常出名的,平時我化妝塗上一層淡淡的BB霜已可,因為像我這種臉,稍微化一點妝就像是化很多妝的感覺,所以就是盡量演繹一種乾淨的妝容。我每天如是,大家似乎也非常喜歡。」


相信很多人也認同,清新的妝容,感覺討好且親民,但某程度上也要得天獨厚,至少擁有順眼的五官吧;而以我自己為例,重點必須置於眼妝看來才有神,反之,一塗粉底就會好厚妝似的,推得極透薄的微粉色BB cream才切合我;太濃的妝容還是留待晚宴或去蒲,贏取霎眼嬌勝利。
尹恩惠續說:「我在化妝方面是比較懶惰的,但在基礎護膚方面願意多做些工夫,保持膚色處於較好的狀態,才可配合輕薄的妝容。提醒大家在夏天要格外注重防曬和美白,以我自己為例,皮膚對紫外線比較敏感的,但是工作一直跟閃光燈打交道。小竅門是每星期使用8分鐘換膚液,效果非常好,對肌膚也沒有刺激。」

时尚教主Sarah Jessica Parker當時也在場,她說:「身爲 artist 及三名小孩的母親,忙得不可透支,護膚也講求快靚正,我會於用電腦的時間同步護膚,最注重是更生程序,只要幾分鐘時間的換膚液,效果媲美做 facial,就合我肌膚所需。」

究竟尹恩惠及Sarah Jessica Parker所講的換膚液是什麼?
算起來,我已經測試咗兩個月共8次,證明成分確是很溫和;一次見效用,很讚的,明天自有分曉。

男士護膚(終) Our best choices!

Published 2011/09/06 by yokotsang

一連三篇 blog 講解男士護膚,一反 beauty blog 重女輕男常規,然而,不知有無悶親大部分女性讀者群呢?
最開心係呢幾日我個 facebook:香港美容專欄作家 Yoko Tsang (可click入),又真係多咗男性 like喎!



繼昨天心水推介—-
對抗暗瘡、油脂、粉刺潔面+爽膚
去印、去皺精華素
今日當然還有我與他都 like 的面霜及護眼推介:

保濕、降火:面霜

Dr. Andrew Weil for Origins 靈芝菇菌升級健膚乳液 $600/50ml 
推介男士們用此乳液,大前提是爽啊!雖然無話 oil free,卻滑得嚟超易吸收。女士們混合性偏油也啱用。
穩定肌膚細胞健康,具保濕舒敏鎮靜降紅之成分,如麥糠、向日葵籽萃取、燕麥、靈芝、冬蟲夏草等,可強化肌膚細胞防禦機制,滋潤及延緩衰老。


他使用後感:用少少分量就夠搽全面,慳時快捷;討好是非常清爽,一點油膩感都無;軟膚感覺明顯。」
使用後感:「除讚同他以上所講觸感,最重要是可以降低敏感發生,撲滅皮膚熱火,無啦啦痕癢、泛紅時用最啱,嚟緊轉季我都會再用番佢一輪。」

清爽薄膜:眼啫喱
GLYCEL Enhance Eye Gel $620/ 15ml

我獨家 offer 俾大家的買一送一優惠,一星期前已經完滿結束喇!咁抵買,除咗品牌送我一支 for trial,我屋企當然有多兩支珍藏啦(係他要求買,not me,因為好啱feel喎!)
以植物成分為本,發揮滋潤及收緊眼部肌膚的特性,蘊含微生球體、維他命A及透明質酸等精華,能改善眼袋及眼部浮腫現象,適合眼部開始出現浮腫及鬆弛肌膚使用。

他使用後感:最怕眼霜黏立又油,只願意用質地極至清爽的啫喱;呢款爽得嚟也有保濕效果,搽完紋會好似淺咗,ok good吖!」
使用後感:「他當然可以口響愛清爽的啫喱 eye product,因為普遍男士眼部問題不夠我們嚴重,梗唔識驚。我還是須要質地較滋潤的 eye cream 救眼,呢支 eye gel 留番俾妙齡少男少女用吧!」


——————————————————————————————————————————————————
本週《MORE》專欄精采內容:
臨床實驗 我的強效食療
我推介的每道食療也同樣具驗證、具口碑,持之以恒保證必見妙效!主題是超級抗衰老嫩膚、養顏修身降膽固醇,及舒解皮膚敏感解毒。詳情 請留意今期《MORE》雜誌內我的專欄。
http://vipblog.orientalsunday.hk/yokot/
facebook:香港美容專欄作家 Yoko Tsang

男士護膚(續) Our best choices!

Published 2011/09/05 by yokotsang

上星期我撰寫了有關男性皮膚特質 blog 文,今日未入正題推介對應之護膚品前,先討論一下我收到的一則留言—– 

Kelly謂:「但男生都不爱护肤,我男友连普通保湿纸面膜都嫌不舒服。」

男生都不爱護膚,是啊!
我的招數是時不時 point out 他的肌膚問題eg.「乜額頭又多條事業線」「眼袋就嚟大過眼喇」……令佢擔心自己肌膚問題日益嚴重,這招數對付我身邊那位真的湊巧,而家佢進步緊,至少肯做早晚都做 normal 護理程序,但仍堅決不肯自行敷 mask

引導男士護膚守則:
1) 選用一些無明顯油膩感、快吸收的護膚品,給他們感覺清爽自然,否則會令他們反感。
2) 忌要他們使用須待時間吸收然後再以水潔凈的面膜,超麻煩,身為女朋友想找死嗎?!
3) 纸面膜更易男士們反感,又濕又立,加上要就住,邊位不貼服,甚至會掉下來;佢哋唔多會識欣賞come out,只責怪過程討厭。

4) 身為女友/老婆,何妨盡一點愛意照顧埋他們的皮膚呢!建議起初幫他們塗些簡單護膚品,習慣了,繼而指引日後他們自己使用呢!

我身邊那位,認識他之時,與普遍衆男一樣唔搽任何護膚品,在我眼中簡直是crazy,不覺肌膚繃緊的嗎?只知道用洗面膏洗去油脂污垢,枉論搓揉起泡才上面這些「高深」護膚學問,更絕不注重潤膚保濕,屋企連一支lotion都無,那時還好,他恃住天生麗質,也可引人注目。繼而他在我手中,當然要慢慢「教育」,潛移默化護膚的好處,恐嚇不護膚的殘樣結果。現在的他,肯定比普羅男性更懂得細意護理肌膚,懂得的美容心得隨時比一般女性多添,他擁有健康的膚質(這點我很有成功感,因為是由我打做的),話唔定,我日後嘅美肌分享會找他同場出現呢!

好了,回來正題,姊妹們你身邊那位又是否一樣的呢?需要靠你們幫摯愛一把!
男士護膚一定要用男士專門護膚品嗎?我會說「不」,由於我家藏無數美顏品,卻沒標明for Men’s care的,理論上不宜破費買嚟凈係啱佢用嘛,何況也沒這必要,只要懂得揀選迎合男性肌膚問題的產品便大有作為。
以下是我喜愛+他也讚同功效的心水推介:

對抗暗瘡、油脂、粉刺:潔面+爽膚
 Skin Ceuticals 凈化再生雙效潔面啫喱 + 同系列爽膚水 各$450/250ml
潔面啫喱含3種溫和酸性去角質成分,暢通毛孔、清除油脂及粉刺,預防暗瘡;爽膚水具以上功效外加入保水成分,保持水油平衡。
他使用後感:「還是喜歡用啫喱質地潔面,用後感覺很清爽乾淨,最憎洗面奶立黐黐;爽膚水是噴霧式非常方便,噴幾下就得又涼快,我最怕要配棉花搽。」
去印、去皺:精華素
Clinique dark spot corrector $520 /30ml +  Lancome visionnaire skin corrector$460/30ml
這兩款不同功效精華素,同樣可全面搽,是我從衆多同類型產品中作測試後,揀選出來,質地極薄最易吸收的,教他根據該陣子皮膚問題所須輪流使用。
Clinique 淡斑精華具科研美白配方,目標助他減淡暗瘡印、曬斑及剃鬚後受損疤痕;Lancome 修復精華,高親膚性多元分子推進細胞組織,刺激膠原蛋白增生,改善他乾紋、細紋及彈性。
他使用後感:「間唔中會出大暗瘡,又忍不住胡亂擠,結果搞到有啡紅印,所以願意搽有助去印嘅產品,加上遊船河曬太陽後,真係會有少少斑,膊頭都有,白色嗰支通常要連續早晚用成個月至覺有改善。至於藍色嗰支一搽就覺得好似好有效,即刻修飾咗好淺嘅紋同埋毛孔,皮膚摸上手無咁粗。」

待續……. 
——————————————————————————————————————————————————本週《MORE》專欄精采內容:

臨床實驗 我的強效食療

我推介的每道食療也同樣具驗證、具口碑,持之以恒保證必見妙效!主題是超級抗衰老嫩膚、養顏修身降膽固醇,及舒解皮膚敏感解毒。詳情 請留意今期《MORE》雜誌內我的專欄。

http://vipblog.orientalsunday.hk/yokot/
facebook:香港美容專欄作家 Yoko Tsang

男性 vs 女性皮膚特質!

Published 2011/09/02 by yokotsang

***這篇文章請forward給你們身邊的男性好友。】

護膚已非女性的專利!
金城武呢張廣告相實在太有 feel!男女嗒糖呀!
大家有無發覺,好多男性挨近30歲就似「阿叔」,老態呈現,膚色極暗又乾又油又有紋,看來非常粗糙的,原因是不打扮又不護膚!然而,很大程度上,男士看來神采奕奕的迷人面容,是關乎擁有健康潔淨的膚質。
大部分女性還好,我們懂得保養留青春,錫自己嘛!
先加深了解男性皮膚的特質,從而對號入座解決問題:
重點一:男性皮膚的角質層比女性厚,官方數字是約30%,意味著:
~ 男性的皮膚相對較不易受到刺激,敏感情況較少
~ 男性的皮膚吸收力相對較弱
~ 男性的皮膚觸感不夠柔軟
解決方法:需要分子細小的產品,增強滲透性,並蘊含促進吸收及軟膚的成份。
重點二:男性肌膚因皮脂腺分佈較多,也就比女性出油多約一半,因此有統計約80% 的男性屬於油性或混合性偏油的肌膚。
加上男性肌膚的PH 值比女性更低,即皮膚酸度較高,那就:
~ 受到泛油多的困擾,很容易因水油不平衡的状况,引發粉刺滋生及暗瘡
~ 毛孔顯得比女性粗大,皮膚看起來也比較粗糙
解決方法:需要能徹底潔凈油脂的產品,質地清爽,無油配方或低油配方,最好添加抗菌成分,抑制產生粉刺。
重點三:男性膚色普遍比女性深,是由於基底層色素顆粒分佈較多,加上更易受堆積毒素問題影響,e.g香煙或二手煙的侵害。應酬免不了喝酒,還有工作捱夜等。意味著:
~男性膚色普遍比女性暗沉無光、不均、欠通透感
解決方法:使用具淨化排毒肌膚成分產品,如植物提煉物、靈芝菇菌等;及去黄均色成分,如維生素CE等,好使皮膚由內而外呈現健康膚色。
重點四:年輕時男性的確不易顯老,因皮膚比女性更富有彈性,但步入中年約35歲以後,男性皮膚老化非常迅速,肌底彈性纖維受損及骨膠原流失下降。
~ 男性的皺紋是在真皮層產生,容易出現深層皺紋。
解決方法:中年男性應該開始注重抗衰老的需要,使用含抗皺功效之胜肽、膠原蛋白等成分之產品。
待續……. 男士護膚品心水推介!混合至油性肌女士也要注意啊!
——————————————————————————————————————————————————本週《MORE》專欄精采內容:
美麗神話 營養水新力軍
很多讀者覺得混淆,不明傳統爽膚水toner與現今冒起的營養水treatment lotion,有什麼分別、怎樣使用、功效差別等等,就讓我在此拆解過中微妙關係,詳情 請留意今期《MORE》雜誌內我的專欄。
http://vipblog.orientalsunday.hk/yokot/
facebook:香港美容專欄作家 Yoko Tsang

公佈得獎名單!推介眉鉗天王 Rubis Switzerland

Published 2011/09/01 by yokotsang

未睇內容前,登登登…….公佈得獎名單!我實在太興奮了,大家留言非常有心思,係好好好難取捨……
結果收到60個留言爭3個位,即百分之五中獎機會比率,起碼易過坊間抽獎啦
好喇,公佈免費體驗價值 $2,5999°Beauty Kinka純金箔面部護理」得獎名單,當然唔少得睇埋佢哋嘅精采分享。

三位幸運兒是:Flora、Jessica、Yvonne

Flora:「Hello Yoko,
又係我呀..九月新娘子呢!上次參加Glycel x Yoko facial 雖然沒有被你選中,但好開心有二位姊妹可以靚靚地享受!
媽咪己經買晒嫁妝金飾比我結婚用啦!我想不到金可以戴,仲可以做facial .好想試下金箔facial 的威力,因為這陣子為了prepare wedding 搞到皮膚好暗,不剔透!
希望今次你會選中我啦!如果結婚當曰有你結婚那時的皮膚質數就好了!」(揀你原因:說話大方得體!加上黄金勁在急救暗啞倦容,重要日子前做效果實開心到暈呀!恭喜你結婚開開心心呀)

Jessica:「有人覺得戴金老土, 但戴住金面膜, 我想會很型, 如果這禮物是在Halloween期間送出, 我一定戴住佢出遊呢! 因為太貴, 唔捨得除呀, 哈哈! Honestly, 從螢幕上見Nel Nel敷完金箔面膜都即刻young晒, 如果做埋成個金箔面部護理未好唔得了? woo….想下都已經興奮….!
好多謝Yoko為我們爭取這份厚禮, 就算我最後不入選也鄧人開心哦 : )」
(揀你原因:因為你應承敷金面膜遊街,Halloween會送多片俾你!)(haha….相信9 Beauty老板好疏爽)


YvonneHi yoko,
我想獲得 9°Beauty Kinka純金箔面部護理的原因好間單,九月十四號係我去關島結緍的大日子,唔知點解我已經好勸力去美容做Facial但係面部還是很乾同埋有暗粒仲有D暗啞,如果能獲得 9°Beauty Kinka純金箔面部護理解決呢個問題,我就可以以最靚既一面去完成人生大事啦!!

(揀你原因:除咗因為恭賀你big day,仲有咁橋我9月尾都去關島參加朋友結緍,緣份…就俾你靚啦!)


***以上幸運兒將會收到9°Beauty方面的電郵通知,告知領獎方法。恭喜晒啊!
特此非常感激贊助商 9 Beauty 及 9 Spa (9 Concepts 集團)

入正題—- 眉鉗天王!
上星期六,專登走去尖沙咀,主因為咗全港最讚牛丸王
德發牛丸@尖沙咀海防道街市
現場食完,仲買咗廿蚊未煮的拎走,哈哈…..我實在太為食!



此外,當日重點之行是到 Joyce Beauty,就係為咗買 Rubis Switzerland 眉鉗。

Rubis Switzerland 有幾勁? 鉗鋒打磨細膩,一夾、條眉毛走唔甩、鉗到實一實、一拔,包保連根剷除,拔眉過程快狠準,保證唔會折斷或回彈;相信拔眉門外漢用 Rubis Switzerland,都會變修眉專家,即唔會痛呀!


上網搜尋 Rubis Switzerland 的消息,全是外國料,本地介紹文只得一文,就係 MORE 另一位紅人blog主 Michelle Lau!顯示唔係太多人認識 Rubis Switzerland 的來歷,亦唔多知佢係寶!

我認識呢把眉鉗,緣於很多年前,Bobbi Brown PR 所送的一支眉鉗,睇真D,正面除了刻有 Bobbi Brown 的字款,背面還有 Rubis 的大名,原來係別注非賣品。
呢把眉鉗只要保養得宜,唔好跌落地整崩鉗頭,真係可以用足一世,可惜我天生人馬座不拘小節,第一次唔小心跌落地,好中唔中跌崩個鉗頭,鉗口夾唔實條毛,立即廢去「畢生功力」!
後來很難得才再獲贈此「神兵」,PR要安排由美國送抵港,我立定決心定當保養妥當,可惜都係天意弄人,陪咗我3年,上星期意外遺失,最終寕可自行去 Joyce Beauty 購買,再續前緣,盛惠$290,始知原來兩年都冇加過價,提提大家用 HSBC 白金咭仲有九折,慳咗一碗牛丸米粉嘅錢!

佢有幾好用?睇下以下兩把眉鉗的比較就知一二:
眉鉗頭一鋒利、另一超鈍。

「公仔頭」眉鉗係我幾年前同名化妝師 Annie G Chan去關島工作時,為了在冇嘢買得落手的地方夾硬 shopping,而貪其公仔頭得意,花了 US$5買的。公仔頭基本得個可愛樣,超鈍唔實用,要好出力夾實去拔起條毛,好多時仲會失手….so bad!

而 Rubis Switzerland 基本上連毛孔上輕微凸起的黑頭粉刺都一樣話拔就拔!完全係貴得物所價值!


最後一點要讚 Rubis Switzerland 夠潮,我買的波點款已經算普通,佢仲有鍍金、圓點挑通、黑色拋光焗漆、塗鴉、鑲閃石,價錢都係 $290-$320 之間!
——————————————————————————————————————————————————
本週《MORE》專欄精采內容:
美麗神話 營養水新力軍
很多讀者覺得混淆,不明傳統爽膚水toner與現今冒起的營養水treatment lotion,有什麼分別、怎樣使用、功效差別等等,就讓我在此拆解過中微妙關係,詳情 請留意今期《MORE》雜誌內我的專欄。

獨家豪送 價值$2,599 純黃金活膚facial

Published 2011/08/31 by yokotsang
繼上星期送出Glycel treatment療程後,感受到留言咁激烈,知道大家喜歡旋即預告 encore,今日就加碼兼加量,一共會有三位得獎幸運兒添!
呢個 facial 仲貴過上次呀!我同品牌都太crazy…..haha.

未講詳情前,不如睇下以下呢幅圖:

究竟天氣小姐黃婉曼咁肉緊係度搞乜東東呢?
答案係試緊9°Beauty Kinka黃金護膚品呀!佢親口話好想試下成塊面鋪上純金箔嘅感覺,仲捉住我問做黄金facial功效係點添,我熟識程度已經達到瞓著咗都講得出的境界!

話說我星期一出席了9°Spa中環分店的剪彩儀式,同場幾位明星嘉賓講唔停口的話題,就係大家都好想試黃金facial!
唔單止黃婉曼,我仲收到同場另一位嘉賓余安安的秘密,原來佢竟然好少做facial,外形咁貪靚真係估佢唔到,而佢開到口想做的,就係黃金facial,話咁矜貴未試過嘛!

星級嘉賓想做黃金facial都未有機會,但係我的讀者們,就可以無條件、免費獲得試做 9°Beauty Kinka純金箔facial treatment,價值$2,599呢!名額仲有三位添呀。



究竟黃金護膚有幾好?今期MORE第125頁的面膜推介特輯中,就將9°Beauty Kinka純金面膜評為「最亮白剔透之選」,我影埋俾大家睇:

有讚亦有彈,MORE佢的缺點,就係:「價錢非常昂貴!」
Yes!成二千幾元的facial確矜貴,皆因金價飛升嘛。

成個treatment要成$2,599,因為每個步驟所用的產品都係含有黃金的護膚品,當上個星期金鋪飾金價升到$19,000一兩,你就知呢個facial係幾咁矜貴!

過程一小時包括:
Step 1 黃金潔面泡深入潔淨面、頸肌膚,配合輕柔按摩手法,紓緩肌膚。
Step 2 Gold Peeling Gel 將老化角質層帶走,嫩發肌膚,均勻膚色。  
Step 3 Gold Nano Essence 將黃金精華帶到底層,重塑受損肌膚細胞,回復活力彈性。  
Step 4 全幅式純金面膜片敷上10分鐘,緊緻提升肌膚,亮澤膚色。
Step 5 Gold Nano Lotion按摩,將黃金全面滲透肌膚,重現華麗光澤,保濕注水。
Step 6 Gold Moisture Cream黃金面霜,持久保持肌膚水嫩華麗。


今次由我呢處地盤獨家免費送出三份黄金活膚facial,真係千載難逢的機會呀!大家要把握機會喇!

睇吓這裏的靚裝,確實令人非常享受。
9 Beauty  中環威靈頓街27號地鋪


Tel:2810 8120


大家係咪好想免費體驗黄金facial呢?參加方法好簡單!

請在我MORE的VIP Blog留言:
「想獲得 9°Beauty Kinka純金箔面部護理的原因!」
由我挑選答得最出位、出色的三位,老規矩無須水蛇春咁長,至梗要到 point 就得喇。
***得獎者將於星期四 Yoko’s blog 內公佈,並會獲電郵通知歎 facial 詳情(地點 9°Beauty 中環店)
多謝大家參加唷!
——————————————————————————————————————————————————
本週《MORE》專欄精采內容:
美麗神話 營養水新力軍
很多讀者覺得混淆,不明傳統爽膚水toner與現今冒起的營養水treatment lotion,有什麼分別、怎樣使用、功效差別等等,就讓我在此拆解過中微妙關係,詳情 請留意今期《MORE》雜誌內我的專欄。
http://vipblog.orientalsunday.hk/yokot/
facebook:香港美容專欄作家 Yoko Tsang

星光熠熠 9°Spa,貴為剪綵嘉賓,預告大禮送大家!

Published 2011/08/30 by yokotsang

昨天做了一件我從來未做過的事情,就是擔任剪綵嘉賓!
這的確是一個美好的經歷,更何況,現場星光熠熠,眾星雲集,我深感榮幸


昨天是慶祝9°Spa中環上樓新店的開張誌慶。
最令我興奮的,當然是可以和一代露膊美人溫碧霞小姐,齊齊擔任剪彩嘉賓!我都著咗一字膊 vs 她的入膊裙,齊齊露肩……哈哈!
Irene 真人原來非常温婉,說話慢條斯理又極度細聲,我真要借鏡;最like是她現在於國內是大紅人,卻毫無架子,我們倆一起分享了很多美容心得,與她傾談被其舉手投足、眼神媚態攝住目光啊!

除了和溫碧霞結緣,現場的星級嘉賓,還包括李樂詩、model陳沛嘉、黃婉最(天氣小姐)及石詠莉,還有一直非常支持及欣賞我的九度集團主席、世界傑出華人彭新達博士(左一)及九度集團副主席朱婉芬女士(右一),我的著作《美肌瘦身秘笈》隨書附送的名貴瑞士面膜、免費醫學美肌treatment療程,都係由他們的熱烈支持,各位讀者才享有如此超級優惠啊!多謝多謝……

睇埋大合照環節,其餘星級陣容真係無可匹敵,例如有名歌手李樂詩、名模陳沛嘉、前亞姐陳綺明、著名時裝設計師Cecilia Yau邱雪祺(左二)及著名股評人黃德几(左一)。當中以股評人黃德几的風趣幽默最得現場人士歡心,例如他可以提供一個令你「骨膠原增生」的股票號碼,仲有一夕之間令你衰老十年的股票號碼。想知點樣先可以「骨膠原增生」?在街上碰見我就話你知啦!
眾多嘉賓,以黃婉曼和我最好傾!她謂常化妝易敏,而洗面產品啱啱用完,有咩好選擇呢?我推介了 9°Beauty 的日本Enary甲殼素成份護膚品給她,修復改善敏感成份實在非常見效,很適合她!


而最令我十分高興的是,黃婉曼對我的最新著作極之有興趣!原來她正在準備個人新書,內容是有關女性在美容裝扮上的故事,而我的經驗就正好成為她的題材,這令我十分期待她的新書呢!9°Spa 為慶祝新開張及支持我,特別將優惠加碼,現預告明天會有大禮送大家…….

——————————————————————————————————————————————————
本週《MORE》專欄精采內容:
美麗神話 營養水新力軍
很多讀者覺得混淆,不明傳統爽膚水toner與現今冒起的營養水treatment lotion,有什麼分別、怎樣使用、功效差別等等,就讓我在此拆解過中微妙關係,詳情 請留意今期《MORE》雜誌內我的專欄。
http://vipblog.orientalsunday.hk/yokot/
facebook:香港美容專欄作家 Yoko Tsang

護眼工程實驗《第三擊》!

Published 2011/08/26 by yokotsang
大家覺得咩皮膚問題最難搞?千方百計都搞唔掂?

咪就係老態盡現殘眼一對黑眼圈、眼紋、眼袋、鬆弛、缺水。

對付眼周皮膚問題,靠醫學儀器是我 first priority,能真正由根本著手改善情況,當中以射頻技術(熱能)較激光及彩光安全,避免有強光直射接觸眼球。
射頻技術又稱為電波拉皮,傳統是單極、雙極,現在有六極、八極,咪以為愈多極就必然最勁喎!
實情,能量最高、直達真皮層治療皺紋鬆弛的是最早發明技術「單極」,如我上年已做過的知名 返老還童儀器 Thermage。而其他多極射頻則是熱能輸送至肌膚淺皮層,好處是快見效,卻不及前者由底層改善皮膚組織那麼持久、那麼透徹。

 簡單講解理論後,入戲肉,就是很多讀者期待已久我作分享進一步護眼工程實驗今次要實證示範是幾個月前才抵港的射頻單極 Pelleve(音:趴啦V) ,我當然先了解清楚儀器底蘊才接愛療程,親身測試其功效啦!
我今次去嘅醫學美容中心是首次踏足的 inSkin ,環境靚且機種優質(因為我見到貴價第三代Thermage都有),是著名美肌健體 Phillip Wain group,
我好記最近喺雜誌見到 Dodo 姐著住 sportwear 擺晒健美 pose,成個 look 後生晒!

做呢個 treatment 前會先見醫生,了解我嘅皮膚問題,傾吓有無做開咩療程以策安全,
無須額外附費是 free consultation。我當然把握時機,向 Dr Chan 套料,哈哈..我最有興趣係醫學美容嘛,他詳細解釋呢部新儀器功能俾我知,然而,相信大家想知其功效多過原理呢!

之後會做皮膚底層測試分析,順便影張相,日後可以做對照睇吓好轉咗幾多唷!


我一看 Pelleve 機身,見到印有 Ellman 標誌,即刻有信心付托塊面同眼嘅皮膚俾佢,
因為我的御用皮膚科醫生「彩光之父」都曾經不下一次向我讚呢個品牌,
它是美國非常著名儀器生產商。
呢部機而家全港仲係少之又少,因為新同埋機價唔平
(放心,我當然有為大家爭取了special trial price)。
我知中環某位 Dr Clinic都有,但定價 too high,so……我揀嚟呢間 inSkin 度做。


Steps:潔臉後,於面上塗導電啫喱,然後治療師用手指觸摸眼骨位,目的是 check 清楚機頭可貼近的安全區域,保護眼球,讚…..認真兼細心位!

Steps:主角出埸喇!事先無須搽麻醉藥,因為過程只會有暖熱感,
絕對是無痛、無損,我會形容為「享受 facial 的舒適,獲得醫療級成果。」
這單極射頻能量可直達真皮層約 1mm,
我肌膚的耐熱是約 40度,過程中有測温槍量度住確保安全
有效刺激底層骨膠原蛋白及彈性蛋白合成,達致即時 firming、lift up作用,
至於去紋效果,我認為兩次療程後的一星期最顯著。

對比坊間的RF 機,此金屬治療機頭是我接觸過最為幼細的,外觀看來仿如一枝筆,
好處是什麼?可以真正貼近眼周皮膚 ,照顧全方位。
筆型金屬機頭在眼周快速滑動,那壓力就像是用牛骨通淋巴位般,微微酸痛卻又很舒緩,正!於發揮射頻技術,還可搭單按摩,一舉兩得!

呢個 eye treatment 非常抵做,點解咁講?因為會做足三分之二面,
額頭向下掃至面頰,爭在未做埋虎紋咋!
美容師解釋賣大包原因:「眼周附近肌肉也要提升,先會令眼部肌膚整體顯得更緊緻!」
嘩!美容界良心企業!如是者除咗救眼部問題,
一下子連火車軌、眉心紋都免費減淡埋,yeah!

做完 25分鐘射頻,緊接是全面敷上保濕 mask,
用的是法國品牌 Thalgo ,出名舒敏,植物成分如甘菊、金縷梅等
舒緩、滋潤及柔軟皮膚,最啱做機後厚敷。

做機前後對照:

為咗做例證,oh…….我最討厭嘅天生黑眼圈要暴露俾大家睇喇,做完之後又真係好似淡咗少少喎,firming感覺你哋睇唔到,我自己至 feel得到;RF 促進血液循環加上敷完 Thalgo mask,皮膚(尤其是蘋果肌)即刻見得到透亮咗添!由於膠原蛋白增生須時,去皺則要有心機等待唷。
建議隔星期做一次,每次完成後雖則有敷 mask,但回家也要特別注重保濕,因為皮膚受熱後須吸收大量水分和營養,去紋效果就會特別顯著。

實證二:

很多謝呢位姐姐願意讓我公開其素顏照啊!她是做兩次機後一星期的實證(全臉做),效果 really amazing,最明顯係佢右面虎紋淡咗一半有多呀,去皺紋功效實在勁!


我已經決定下次帶埋媽咪去變後生呀!





咁好嘅介紹,大家係咪即刻試呢?
我咁鍾意,當然幫大家爭取了獨家超級優惠!
Pelleve高效緊膚去皺美肌療程 + 極緻保濕面膜 45mins
***致電預約時說明是 Yoko’s Blog readers,便可享以下獨家超級優惠價試做:
眼部護理–即我以上做呢款 $628/次 (原價是 $4,800啊)
全面連眼 $899/次 (原價是 $8,300)

InSkin 
尖沙咀加連威老道2-6號愛賓商業大廈3302室 (The ONE 左側sasa 樓上)
電話:2312 2289


—————————————————————————————————————————
本週《MORE》專欄精采內容:
皮膚科醫生盛讚 得獎防曬王
據研究顯示,任由陽光曝曬皮膚十分鐘,後果嚴重,即時衰老十天!我找到好評如潮的防曬品,全球一衆皮膚科醫生都用,更曾榮獲了外國ELLE 2010年全球最佳美容產品大獎,非常巴閉!呈自然膚色及無色可選,標榜兒童、激光後、敏感肌膚也非常合用,質感從未如此清爽。
請留意今期《MORE》雜誌內我的專欄。

金榜題名 至like妝品

Published 2011/08/25 by yokotsang

今日,繼續解構我早幾日在apm分享會上的妝容。



眼影柔化假睫接駁位:

昨天詳細示範我的大眼妝秘技「假睫二合一」,

下一步是柔化假睫接駁骨位,使之看來更自然。
就是靠呢盒 YSL Pure Chromatics 乾濕兩用眼影#5號色。
於眼線位掃上黑色 eyeshadow,約高2mm。
若喜愛野性貓眼,
可於下眼線末端掃上約三分一長度。

配合眼線筆做出深淺層次:
Bourjois Contour Clubbing pencil 眼影筆#41 black party
接著用深黑眼線筆劃上幼幼眼線,注意貼近睫毛根部,
與剛剛掃上的 eyeshadow配合,便可做出深淺層次對比,倍添柔和;
眼尾位微微剔高上翹,增加神采。別遺漏填補內眼線泛肉色位置。


BB Cream效果勝粉底:
這是今期在《MORE》專欄強烈推介大家試用的美國出品 BB Cream,
得到皮膚科醫生盛讚 ,研發仲攞咗獎添,溫和到連兒童、激光後、敏感肌膚也非常合用
家陣,後面嗰堆已經俾我打入冷宮了。
($380/85g 查訽: 2893 8828)
講多無謂,請大家睇實證對比。未塗此 BB Cream 時,膚色有點不勻;
單單用手指塗上BB cream後,膚色亮白咗、瑕疵遮得非常好,
最 like 是質地極稀薄及水感,非常舒適清爽。
當然,毛孔極粗大的不能奢望太高,始終不是 high coverage 粉底嘛!

抵用修護定妝粉:
想定妝控油 last 得更持久,我會於T字位及眼位局部撲上這礦物粉,
重點是唔會塞毛孔,仲有修護成分。
Bourjois #01色(約百多元一盒,唔知點解一年都用唔完?!)
由於附送的粉撲質地實在太「雞」,建議用粉撲皇牌 cle de peau beaute,
佢嘅 texture 軟棉棉,令上粉效果更貼服均勻。

超自然胭脂光影組合:
胭脂我最常用係呢盒 Maquillage (實情太花心成日轉胭脂)
三格深淺粉紅及珍珠白色,可以塑造層次效果。
帶超微細閃粒子,掃出來效果好剔透富亮麗感,但絕非油光滿面那種。
大家見到盒中兩個洞就知我最 like 係這兩格色,珍珠白可以打亮鼻樑、眉骨、眼尾C字位;
中度粉紅襯托出膚色更白淨啊!
我嫌附送的胭脂扁掃效果唔夠自然,最愛還是這 Bobbi Brown 迷你圓掃!

——————————————————————————————————————————————————
本週《MORE》專欄精采內容:
皮膚科醫生盛讚 得獎防曬王
據研究顯示,任由陽光曝曬皮膚十分鐘,後果嚴重,即時衰老十天!我找到好評如潮的防曬品,全球一衆皮膚科醫生都用,更曾榮獲了外國ELLE 2010年全球最佳美容產品大獎,非常巴閉!呈自然膚色及無色可選,標榜兒童、激光後、敏感肌膚也非常合用,質感從未如此清爽。
請留意今期《MORE》雜誌內我的專欄。
http://vipblog.orientalsunday.hk/yokot/


公佈得獎名單!自揭假睫秘技!

Published 2011/08/24 by yokotsang

登登登…….公佈得獎名單!
價值$2,080 GLYCEL 燕窩緊緻活膚面及眼部奢華護理

Lucky winners:

Gre 及 Alison (你哋好快就會收到電部通知歎facial喇!)
恭喜恭喜,請大家睇吓佢哋富心思的留言:

Gre:「想獲得GLYCEL這皇牌facial因由…… : 幾百元的facial 就做得多, $2,080的facial就真是


未做過; 燕窩平時就食過, 燕窩facial就真是未做過; 含有胺基酸的食物或飲料就食過, 含有胺基


酸修護精華的facial就真是未做過. 所以…………..未就是想試下有什麼分別吧!」(有point成


咁,至出位係你,like!)


Alison:「I like to read your blog… the product u recommand are reli work… and u are not hard sell reli want to try this Glycel facial treatment BECOZ of u recommand, hope i can share and see the magic effect after the treatment… looking for that moment. thanks !」(寫出我心聲,抵揀你啦!)


多謝大家參加唷!
今次未能選中的無須失望,尤其係告知我即將結婚的 Flora 及 Sze,觸發起我安排下一次的玩意—-就是送禮給準新娘,希望你們以最佳肌膚狀態靚靚迎接 Big Day,這份心意……不如就下星期送俾大家啦!


入今日正題:
因應讀者 Candy 留言,我早幾日在apm分享會上的妝容,是用什麼妝品呢!
Candy:「Would u mind sharing the make up on you tonight?Which make up base,eye shadow, on your cheek and is that the 植睫毛 or 假眼睫毛? 

先嚟睇吓我當日個look!

眼妝靠佢哋:
YSL Pure Chromatics 乾濕兩用眼影#5號色
Bourjois Contour Clubbing pencil 眼影筆#41 black party
Gi&Gary Eyelashes (我用個盒安置佢,原裝是紙盒)

以下揭示我增大眼添神采秘技!

「二合為一」
我將兩款不同粗幼及不同長度的假睫毛組合起來,成為 perfect match。

如圖示:
幼身自然的覆在上面、較濃密的托在底部;
我會於重叠後剪走兩边共約 3mm多餘部分,否則會刮住眼頭及眼尾而不適。

無須預先將兩款假睫黏合,一拼塗上膠水貼在真睫毛根部便可;
習慣成自然,唔難的放心試試吧!

我用的就是這品牌手造假睫毛—-B3 2L Black 及C3 3L Black,莎莎有售,
勝在骨位軟硬適中易黏又唔會刮眼皮,可惜吖,價錢唔夠平,
約$90 / 10對,(我仲要打孖用嘛) 
在香港仍未搵到更抵用又類近好用的,台灣就有,
我要努力尋訪至得,希望日後有更好的介紹大家!

待續……….
——————————————————————————————————————————————————
本週《MORE》專欄精采內容:
皮膚科醫生盛讚 得獎防曬王
據研究顯示,任由陽光曝曬皮膚十分鐘,後果嚴重,即時衰老十天!我找到好評如潮的防曬品,全球一衆皮膚科醫生都用,更曾榮獲了外國ELLE 2010年全球最佳美容產品大獎,非常巴閉!呈自然膚色及無色可選,標榜兒童、激光後、敏感肌膚也非常合用,質感從未如此清爽。
請留意今期《MORE》雜誌內我的專欄。
http://vipblog.orientalsunday.hk/yokot/
Follow

Get every new post delivered to your Inbox.

Join 28 other followers